„Мими“ македонски филм со холивудски шмек вечерва на „Браќа Манаки“
На денешниот репертоар на Фестивалот „Браќа Манаки“ беше филмот „МИМИ“ кој имаше премиера на „Синедејс“
Содржински филмот ‘Мими’ е психолошка драма за девојка која, потисната од родовите предрасуди во родниот крај, доаѓа да живее во Скопје. Се запознава со екстровертната Сара и меѓу нив се раѓа пријателство што набрзо преминува во опсесија. ‘Мими’ е филм за површноста, и лажните фасади што ги покажуваме пред другите“, изјави Пејовски, кој има снимено и неколку краткометражни филмови, а во изминатиот период работеше на ТВ-сериите „Фамилија Марковски“, „Инсајдер“ и „Преспав“.
Во филмот играат: Наталија Теодосиева, Тамара Ристоска, Оливер Митковски, Петар Мирчевски, Сашко Коцев, Стефан Спасов, Дениз Абдула и Владимир Петковиќ. Томи Салковски е продуцент, кинематографер е Дејан Димески, Игор Тошевски е сценограф, Емилија И. Атанасовска е костимографка, а за шминката и фризурата е задолжена Ива Куробаса од Хрватска.
После проекцијата, екипата од филмот излезе на сцената и ги поздрави гледачите во Големата сала на Домот на културата во Битола.