НАСА наскоро ќе тестира огромен топлотен штит во орбитата
Неодамна НАСА предизвика судир меѓу летало и астероид, а сега се подготвува за нов голем подвиг.
Во мисијата DART, НАСА тестираше технологија за одбрана на планетата во случај на опасност од удар на астероид, а целта на мисијата беше промена на движењето на астероидот Диморфос. Сега, НАСА за цел има нова мисија, а тоа е голем топлотен штит на надувување кој еден ден би се користел за безбедно распоредување на голем товар на Марс и на други планети во Сончевиот систем.
Се работи за нов тип топлотен штит на надувување познат под името LOFTID, а би требало да биде лансиран во ноември.
Атмосферата на Марс е помалку густа од атмосферата на Земјата, поради што процесот на забавување на леталото е екстремно предизвикувачки. Тоа го покажаа и слетувањата на роверите. Атмосферата е премногу ретка за да го забави леталото еднакво брзо како што би се случило на Земјата, а тоа значи дека влегувањето во атмосферата е многу поризично и потребна е поголема заштита отколку во случајот на нашата планета.
Токму затоа НАСА наскоро ќе го тестира LOFTID, а лансирањето е планирано за 1 ноември со помош на ракетата ULA Atlas V.
Ако сѐ мине според планот, оваа технологија би се користела во текот на идните мисии на слетување на екипажот како и за испраќање роботски мисии на Марс, но и враќање на потежок товар на Земјата.
REMOTE VIDEO URL
https://kajgana.com/media/oembed?url=https%3A//www.youtube.com/watch%3Fv%3DYtLWjaZVy8Y%26t%3D1s&max_width=808&max_height=455&hash=xrj1OijvKmm0oKuXI3EFPXMlXxWozOUVVKcdeZ1I4DY
ТАГОВИ
