Божикен концерт-првиот настан во КИЦ
Културен и информативен центар од Битола (КИЦ) утринава споделува впечатоци и фотографии од првиот настан кој се одржа во Културен и информативен центар Битола во новата 2023 г.
„Имено како дел од чествувањето и одбележуавњето на Божиќните празници, синоќа во Офицерскиот дом, се одржа „Божиќен концерт“. На концертот присуствуваа неговото високо преосвештенство Митрополитот Преспанско – Пелагониски и администратор Австралиско – Новозеландски. г. Петар, градоначалникот на општина Битола Тони Коњановски, како и голем број присутни граѓани, кои имаа можност да уживаат во звуците на црковната музика.
На концертот, со црковни музички дела настапија детскиот хор „Свети Стилијан“ од Битола, машкиот хор „Свети Нектариј Битолски“ и хорот „Свети Ахил Преспански“ од Ресен.
