Традиционален шаховски турнир во забрзан шах

Шаховскиот клуб ‘ШАХ-ШЕХ’ од Битола на 15.10 2023 година, со почеток во 10 часот организира традиционален турнир во забрзан шах ШАХ-ШЕХ ‘Vavilon OPEN’.
На турнирот ќе учествуваат шахисти од сите градови и клубови во Македонија, како и шахисти од другите балкански држави. Соработката на ШК ‘ШАХ-ШЕХ’ со клубовите од соседните држави резултира со организирање на бројни турнири, во Битола, но и во соседна Грција.
Турнирот е рејтингуван и ќе се игра според правилата на FIDE во девет кола со темпо на играње од 10 минути со додаток од 5 секунди за секој потег. Турнирот е од отворен карактер и право на учество има секој шахист. За условите за пријавување подетално можете да се информирате на Chess rezults mkd. На турнирот најавија учество и шахисти со висок рејтинг и меѓународни титули, велемајстори, интернационални и FIDE мајстори и други шахисти.

Од страна на организаторите се најавува и пригодна презентација на активностите на клубот, но и промоција на шаховска химна.
Сите заинтересирани за овој настан слободно може да дојдат на свеченото отварање на турнирот во Ресторанот Вавилон, но и да го пратат текот на турнирот, се разбира со почитување на редот кој се практикува за вакви настани.
Прогласувањето на победниците ќе биде извршено веднаш по завршувањето на турнирот.


1323

Задолжително

Verified by MonsterInsights