„Повеќе од деценија и пол, НЕМАМЕ ПОЧНАТО ПРЕГОВОРИ СО ЕУ ОТИ ИМА ВЕШТАЧКИ НАМЕТНАТИ ПРЕЧКИ кои ниедна земја ги немала“
Премиерот Христијан Мицкоски најавувајќи ја неговата посета на Брисел и преставувањето на т.н. француски предлог плус за уставни измени со одложено дејство, вели дека ќе ја пренесе и фрустрацијата на македонските граѓани и посочи дека сега има уште повеќе аргументи за тоа.
Не патувам таму за да го презентирам планот, туку на дневен ред е Планот за раст. Ќе имам работен ручек со старо-новата претседателка на ЕК, Фон Дер Лајен. Доколку стане збор за евроинтегративниот процес, јас сум тој што треба да ги брани и одбрани нашите македонски национални интереси. Сега имаме и повеќе аргументи. Сакаме фрустрацијата која ја чувствуваат македонски граѓани, да ја пренесеме таму – таа е голема и огромна. Повеќе од деценија и пол, не сме во можност да почнеме преговори со ЕУ оти има вештачки наметнати пречки кои ниту една земја ги немала, како што ги имаме ние, изјави рече премиерот.