Каролина со моќна порака од Германија: „Тажно е што кога од многу страни сакаат да нè згазат, ние се газиме меѓу себе“

„Вечерашниов концерт бил бојкотиран, се испраќале апели да не се присуствува. Притоа, бојкотот не е ни од Грци, ниту од Бугари, ниту од овие вчера што ни го газеле знамето, туку од македонско друштво од Дизелдорф“, вели разочарано Каролина и повика на сплотеност меѓу Македонците.

Поп-ѕвездата Каролина Гочева во изминатиот период имаше концертна турнеја низ неколку германски градови.

Успешните концерти, добрата атмосфера и дружењето со нашинците, на момент беа засенети од немил настан кој се случувал во очи концертот.

Имено, Каролина на настапот во Дизелдорф откри дека неколкумина македонски иселеници, преку едно од друштвата на иселениците, повикувале на бојкот на нејзиниот концерт во овој град.

Каролина не го криеше разочарувањето, но и покрај тоа повика на сплотеност и поддршка на Македонците и ширење љубов меѓу луѓето, а не омраза и ставање „сопки“.


1113

Задолжително

Verified by MonsterInsights