ПОВЕЌЕ ОД 15.000 НАРАЧКИ ЗА СРПСКИОТ ЕЛЕКТРИЧЕН АВТОМОБИЛ
Српската „гранде панда“ главно се купува Италија, како традиционален пазар за возилата на „Фиат“, но и во Шпанија и Франција.
Пред неколку дена српските медиуми објавија дека почнал извозот на првиот електричен автомобил „фиат панда“ произведен во фабриката на „Стелантис“ во Крагуевзац.
Беше најавено дека во Европа има побарувачка и голем интерес за овој модел електричен автомобил бидејќи неговата цена е пониска за 30% во однос на останатите. Дури се смета дека е поевтин и од кинеските модели. Веќе се направени 15.000 нарачки.
Производството се врши во една смена, но фабриката најавува зголемување на капацитетот, со што би се осигурило дека меѓу 300 и 400 готови автомобили, подготвени за испорака, секојдневно излегуваат од производната лента.
Српската „гранде панда“ главно се купува Италија, како традиционален пазар за возилата на „Фиат“, но и во Шпанија и Франција.
Како што соопштија од „Ауто-мото Ревија“, во Европа се примаат нарачки со почетна цена од 24.900 евра – за модел со понизок пакет на опрема. За српскиот пазар се чекаат информации за цената на автомобилот.
Поранешниот извршен директор на Stellantis, Карлос Таварес во јули минатата година изјави дека .
– Се надевам дека овој автомобил ќе биде најпродаван во Германија, Италија, Франција и Шпанија. Мислам дека сега сме подобри и поконкурентни од кинеските модели, најмногу во однос на цената. „Гранде пандата“ првично ќе биде за 30% поевтина од другите, што значи дека со државната субвенција ќе може да се купи од 15.000 до 16.000 евра – изјави лани поранешниот извршен директор на Stellantis, Карлос Таварес.
Речиси сите европски држави имаат воспоставени субвенции за електрични возила. И српската влада неодамна објави дека одобрува субвенции за купување електрични возила.