Почина папата Франциско

epa11051112 Pope Francis celebrates the first Vespers and Te Deum prayer, a rite of thanksgiving at the end of a year, in Saint Peter's Basilica in Vatican City, 31 December 2023. EPA-EFE/ANGELO CARCONI

Почина папата Франциско, првиот латиноамерикански водач на Римокатоличката црква, соопшти Ватикан во видеоизјава во понеделникот, со што заврши често турбулентното владеење обележано со поделеност и тензии додека се обидуваше да ја среди таинствената институција, пренесе Ројтерс.

Тој имаше 88 години, а неодамна преживеа сериозен напад на двојна пневмонија.

„Почитувани браќа и сестри, со длабока тага морам да ја соопштам смртта на нашиот свет отец Франциско“, објави кардиналот Кевин Фарел на ТВ-каналот на Ватикан.

„Во 7 часот и 35 минути утринава римскиот бискуп Франциско се врати во домот на Отецот.“

Хорхе Марио Бергољо беше избран за папа на 13 март 2013 година, што изненади многумина во црквата, кои го гледаа аргентинскиот свештеник, познат по неговата грижа за сиромашните, како аутсајдер.

Тој се обиде да проектира едноставност во големата улога и никогаш не ги користеше раскошните папски станови во Апостолската палата што ги користеа неговите претходници, велејќи дека претпочита да живее во заедница, заради неговото „психолошко здравје“.

Тој ја наследи црквата разорена поради скандалот за сексуална злоупотреба на деца и растргната од внатрешните борби во бирократијата на Ватикан, и беше избран со задача да го врати редот.


1134

Задолжително

Verified by MonsterInsights