Битола се вклучи во „Генералка викенд“: Градот се чисти, свеста се буди

Со чистење на депонии, јавни површини и туристички локации, Битола денес ѝ се приклучи на петтата по ред национална еколошка акција „Генералка викенд“. Граѓани, ученици, студенти, јавни институции и претпријатија здружено се вклучија во отстранување на отпадот од повеќе локации низ градот и општината.

Оваа тридневна иницијатива, која има за цел унапредување на животната средина и зголемување на еколошката свест, обедини широк општествен фронт – од јавни претпријатија кои со механизација расчистуваа диви депонии, до ученици и пензионери кои со раце собираа отпад од населени места и природни предели.

Акцијата продолжува и за време на викендот, кога фокусот ќе биде ставен на чистење на руралните и туристички подрачја. Организаторите упатуваат апел: грижата за животната средина не треба да се сведе на неколку дена годишно, туку да стане секојдневна обврска за сите.


1263

Задолжително

Verified by MonsterInsights