Изгласан нов закон за работно ангажирање: повеќе можности за граѓаните и работодавачите

Собранието ја изгласа новата законска рамка за работно ангажирање на лица, која донесува важни промени во начинот на ангажирање на работна сила во земјата. Според усвоениот закон, работно ангажирано лице може да биде широк спектар на категории – од лица кои не се во работен однос, преку вработени и самовработени, до помлади од 18 години кои ги исполнуваат законските услови за засновање работен однос.

Законската рамка ги опфаќа и студентите, корисниците на семејна и старосна пензија, како и странците кои имаат регулиран престој согласно закон. Значајно е што, согласно новиот закон, лицата ангажирани по овој основ нема да ги изгубат веќе стекнатите права од други работни или социјални односи.

Оваа мерка отвора можност граѓаните да остварат дополнителни приходи преку легален работен ангажман, што ќе има позитивен ефект и врз државниот буџет преку зголемена наплата на давачки. Од друга страна, работодавачите ќе имаат поголема флексибилност и можност да ангажираат повеќе работници според потребите на пазарот.

Законот е изработен и усвоен по барање на работниците и работодавачите, со цел да се создаде пофлексибилен и правично регулиран пазар на труд, што ќе овозможи подобри услови за работа и развој на економијата. Оваа законска промена е чекор кон унапредување на работните односи и зголемување на вработеноста во земјата.


1309

Задолжително

Verified by MonsterInsights