Ова лето, античката сцена на Хераклеа ќе ја разниша вистински ГРОМ – легендарниот битолски рок бенд кој слави 45 години постоење со јубилеен концерт на 2 јули, почнувајќи од 21 часот. Настанот ќе биде музичко враќање низ времето, со хитови кои го одбележаа македонскиот рок, засилено со настап на специјалниот гостин Ален Славица, популарниот хрватски пејач и долгогодишен пријател на бендот.

Формиран далечната 1980 година во Битола, ГРОМ е еден од пионерите на македонската и битолската рок сцена. Препознатливи по својот звук и оригинален сценски настап, бендот создаде уникатна врска со публиката што трае речиси пет децении.

ГРОМ помина низ неколку генерации музичари, но ја задржа својата автентичност и дух. Нивните настапи се секогаш полни со емоција и искрена поврзаност со обичниот човек.

Ова не е само концерт. Ова е прослава на 45 години рок историја. Љубителите на добар звук и оние што сакаат да ја почувствуваат енергијата на живата музика – не го пропуштајте ова музичко поглавје во Хераклеа.


1238

Задолжително

Verified by MonsterInsights