Започна 17. БИТ ФЕСТ под слоганот „Убавината на уметноста“
Со концерт на „Леб и сол“ во Хераклеја, синоќа беше отворено 17-то издание на Битолското културно лето – БИТ ФЕСТ. Фестивалот го отвори градоначалникот Тони Коњановски, истакнувајќи дека Битола е град на културата и традицијата.
Програмата ќе трае до 31 август и вклучува бројни манифестации и концерти, меѓу кои:
- Битола отворен град
- Илинденски денови
- Битолино
- Локум фест
- настапи на Стефанија Мјузик Ворлд и групата Гром
- голем музички спектакл со Армин ван Бурен
БИТ ФЕСТ е продолжение на традицијата започната со Хераклејските вечери, а од 2006 година е под организација на Општина Битола.