БИТОЛА СЕ СПРЕМА ЗА ВЕЧНОТО ДЕРБИ: ПЕЛИСТЕР – ВАРДАР
Битола повторно живее во ритамот на дербито. На 5 ноември, со почеток во 15:30 часот, фудбалскиот клуб Пелистер ќе го пречека Вардар во ново издание на најголемото македонско спортско ривалство.
Навивачката група Чкембари веќе го означи почетокот на мобилизацијата – со јасна порака: „Сите пред стадион!“ Со тоа, битолската навивачка сцена уште еднаш најавува масовна и гласна поддршка за својот клуб.
Фотографијата што ја споделија симболично ја отсликува тежината и традицијата на дербито – од едната страна зеленo-белата историја на Пелистер и трибините исполнети со дим и енергија, од другата црвено-црната гордост на Вардар.
Битола со нетрпение го очекува натпреварот кој секогаш носи емоции, напнатост и вистинска спортска страст.
Организаторите најавуваат дека собирот на навивачите ќе започне во 15:30 часот пред стадионот, со повик до сите љубители на фудбалот да бидат дел од оваа битолска спортска приказна.