ПО КОЈА ЦЕНА ЌЕ ПЛАЌАМЕ СТРУЈА ОД ЈАНУАРИ? Бислимоски вели дека е неизвесно додека ЕВН не го заврши тендерот за набавка на струја

epa10097575 Electricity pylons lead to the coal-fired Ratcliffe-on-Soar Power Station near Nottingham, Britain, 29 July 2022. Energy and fuel prices have soared in the UK in part due to the war in Ukraine. UK Households are facing a cost of living crisis due to the rising cost of energy and food. Coal power plants could be paid to generate more electricity, with consumers and businesses paid to use less as the National Grid admitted there could be 'tight periods' in early December. EPA-EFE/NEIL HALL

Претседателот на Регулаторната комисија за енергетика вели дека нема да има промени во делот на цените на преносот и на дистрибуцијата на електричната енергија кои учествуваат во крајната цена на струјата.

До крајот на месецов или почетокот на следниот месец, Регулаторната комисија за енергетика (РКЕ) ќе ги соопшти цените за пренос и дистрибуција на електричната енергија. Претседателот на Регулаторната комисија за енергетика Марко Бислимоски не очекува било какви поместувања во овој дел.

– МЕПСО побара минимално зголемување од 0,67% за пренос на електрична енергија, операторот на пазарот не побара зголемување, а Електродистрибуција нема наведено во своето барање имајќи предвид дека во текот на овој месец ќе има тендер за набавка на загубите на електрична енергија коишто имаат исклучително големо влијание врз цената на електричната енергија така што кон крајот на овој месец или почетокот на следниот  ќе ги знаеме цените што ги определува РКЕ, а тоа се пренос и дистрибуција на електричната енергија и тука не верувам дека ќе има било какви поместувања – изјави Бислимоски.

Тој додаде дека по завршување на тендерот за универзалниот снабдувач согласно новиот Закон за енергетика, ЕВН Хоум ќе ја соопшти новата цена за домаќинствата и за малите потрошувачи.

Од МЕПСО не очекуваат испади во текот на зимскиот период. Велат дека инвестираат во континуитет и дека граѓаните треба да бидат спокојни.

– Во контиунитет инвестираме, имаме и голем број на активни проекти кои во моментот се реализираат. Еден од нив е 110 киловолтниот далекувод Прилеп – Битола, во тек е продолжувањето на договорот за реализација на интерконекцијата меѓу Македонија и Албанија. Во исто време го очекуваме и реакторот за реактивна енергија којшто треба да се инсталира во 400-киловолтната трафостаница Дуброво со којшто би се довеле во нормални граници на приликите во нашата држава -изјави Александар Пауноски од МЕПСО.

Тој додаде дека МЕПСО аплицирал за голем број грантови преку механизмот за инвестирање во Западен Балкан.

-Така што можеме да кажеме дека не само во сегашноста, туку и во перспектива ја планираме надградбата и инвестирањето во преносната мрежа со цел да овозможивме непрекинато снабдување на граѓаните со електрична енергија – рече Пауноски.


1063

Задолжително

Verified by MonsterInsights