Навремено постапување по пријави за здравствени тегоби кај вработените во РЕК Битола

По пријави за здравствени тегоби кај дел од вработените во РЕК Битола, сите кои почувствувале симптоми биле веднаш упатени на прегледи и анализи во Клиничката болница во Битола.

Раководството на РЕК Битола превзело превентивни мерки, вклучувајќи привремено затворање на мензата додека траат анализите на земените мостри.

Досега се прегледани 81 лице, со лесна клиничка слика, кои се пуштени на домашно лекување. Истата храна ја конзумирале и вработените во делот „Термо“, каде не се регистрирани симптоми.

Инспекциски надзор спроведоа АХВ, ЈЗУ Центар за јавно здравје Битола, Институтот за јавно здравје – Скопје и Државниот санитарен и здравствен инспекторат. Земени се мостри од храна и брисеви од работни површини и вработени.

Кујната е привремено затворена, а наредено е вонредно чистење, дезинфекција и санитарни прегледи за сите вработени.

АД ЕСМ и ЕСМ Молика апелираат да не се шират непроверени информации и да не се создава паника. Јавноста ќе биде редовно информирана за резултатите од инспекциските и лабораториските проверки.


1138

Задолжително

Verified by MonsterInsights