ЗОРАН СТОЈЧЕВСКИ ИЗБРАН ЗА ПРЕТСЕДАТЕЛ НА ОО НА СДСМ БИТОЛА
Зоран Стојчевски е избран за претседател на Општинската организација на СДСМ во Битола, потврди тој за МИА.
Стојчевски е долгогодишен член на партијата и поранешен советник во Советот на Општина Битола, каде два мандати учествувал во работата на локалниот совет.
Тој е и член на Централниот одбор на СДСМ, каде учествувал во партиските активности, вклучително и иницијативи за измени на статутот поврзани со изборот на раководства на локално ниво.
Одлуката за негов избор ја донел претседателот на СДСМ, Венко Филипче, по спроведен јавен оглас на кој биле пријавени шест кандидати.
Стојчевски ја презема функцијата претседател на Општинската организација на СДСМ во Битола во наредниот период.