Советник од Битола четири години користел потврди за околу 700 работни денови отсуство

Според порталот Plusinfo.mk, поранешниот советник во Советот на Општина Битола, Борче Корлевски, во текот на својот четиригодишен мандат користел потврди за ослободување од работа во обем од околу 700 работни денови.

Во текстот се наведува дека потврдите биле издавани од тогашната претседателка на Советот, Габриела Илиевска, а се отвораат сомнежи дали сите отсуства биле поврзани со реални советнички активности. Особено се посочува 2023 година, кога, според објавените податоци, Корлевски бил ослободен од работа 169 работни денови.

Корлевски за Plusinfo.mk ги отфрла обвинувањата за злоупотреба, нагласувајќи дека советничката функција подразбира бројни активности надвор од седниците и комисиите, додека Илиевска изјавила дека потврдите ги издавала врз основа на доверба и дека контролата на нивната основаност е обврска на работодавачот.

Случајот отвори јавна дебата во Битола за начинот на кој се користат потврдите за советнички ангажман и дали е потребна подетална институционална проверка на ваквите практики.


2131

Задолжително

Verified by MonsterInsights