5 грешки поради кои скарата ни изпаѓа лошо


Печењето на скара е уметност и вештина стекната преку искуство. За да се испече квалитетно парче месо, потребно е да се избегнат грешките со кои се соочуваат многу почетници.

  1. Не одвојувате доволно време за маринирање

Скарата ќе биде повкусна ако ја маринирате во масло и зачини неколку часа пред печењето, а идеално цела вечер пред готвењето. Не заборавајте да додадете малку киселина во маринадата, како сок од лимон или оцет , бидејќи тоа ќе го спречи развојот на хетероциклични амини на високи температури на пржење, кои се сметаат за канцерогени.

  1. Избегнувате користење на дополнителни масти

Посното месо како пилешко и мисирка ќе се залепи за решетките од скарата ако не ги подмачкате. Натопете хартијата со масло или путер , а потоа поминете преку загреаните решетки пред да ги ставите парчињата месо врз нив.

  1. Ставате ладното месо на скарата

Исто како што не би ставиле ладен стек во тава, пожелно е да го оставите маринираното месо да достигне собна температура пред да го ставите на решетка за скара. Така нема да го „шокирате“ месото со топлина и подобро ќе се испече и ќе има подобра боја.

  1. Премногу го вртите месото

Откако ќе ставите парче месо на скара, подобро е да го вртите и поместувате што помалку. Имено, дополнителен вкус на месото му дава карамелизирањето на површината, што настанува кога парче месо се пече на вистинска температура и во вистинска временска рамка.

Кога мислите дека е време да ги превртите шницлите, нежно обидете се да го одделите месото од решетката со машата. Ако месото се „лепи“ за скара , а сте го подмачкале со масло, тоа е знак дека треба да го оставите да се пече уште неколку минути за да добиете убава карамелизирана површина.

  1. Не дозволувате месото да се одмори

За да се стабилизираат соковите во месото и да остане сочен вашиот стек, секое парче треба да се „одмори“. Откако ќе го испечете месото, завиткајте го во алуминиумска фолија и оставете го да отстои половина од вкупната термичка обработка. Алуминиумската фолија ќе ја задржи топлината, а ќе добиете вкусно парче месо.

Добар апетит!


1360

Задолжително

Verified by MonsterInsights