Најтажната поворка која поминала низ Битола
На 5 април со почеток во 19 часот на плоштадот „Магнолија“, пред голем број револтирани граѓани од Битола и околните општини, се одржа вториот протестен собир под назив „Правд за Јана“.
На протестот говореше Игор Петковски кој започна со забелешката дека официјалните наоди и изјави се далеку од вистината и дека се замајува јавноста со скривување на правата вистина.
Потоа во име на организаторите од говорницата побара:
“ЈАВЕН НАСТАП НА СИТЕ ЧЛЕНОВИ ОД ПРВАТА КОМИСИЈА НА ДЗСИ И ВТОРАТА КАКО СТРУЧЕН ИНСПЕКЦИСКИ НАДЗОР ПОТОЧНО СИТЕ ЧЛЕНОВИ ДО ЕДЕН, ЈАВНО СО ИМЕ И ПРЕЗИМЕ ДА ИЗЛЕЗАТ ПРЕД ЕДНА ОД НАЦИОНАЛНИТЕ ТЕЛЕВИЗИИ И ДА ДАДАТ ОДГОВОРИ ЗА СИТЕ НЕЈАСНОТИИ ОКОЛУ СЛУЧАЈОТ СО ЈАНА, ДА ОДГОВОРАТ НА СИТЕ ПОСТАВЕНИ ПРАШАЊА ВО ПРОГРАМА КОЈА ЌЕ ОДИ ВО ЖИВО И ЌЕ ИМА ОТВОРЕНА ТЕЛЕФОНСКА ЛИНИЈА КАДЕ СЕКОЈ КОЈ САКА ОД СТРУЧНАТА И НЕСТРУЧНАТА ЈАВНОСТ ДА ПОСТАВИ ПРАШАЊА ДО БИЛО КОЈ ОД НИВ.
СЕМЕЈСТВОТО И ЈАВНОСТА ИМАТ ПРАВО ДА ЗНААТ ВИСТИНАТА ЗА ДА СЕ ПОТВРДИ ВЕРОДОСТОЈНОСТА ВО НИВННИТЕ ИСКАЗИ. НИЕ ЦВРСТО СТОИМЕ НА ОВАЈ СТАВ И БАРАМЕ ИТЕН ОДГОВОР КОГА ТОА БИ СЕ СЛУЧИЛО.“
Како завршница на протестот присутните тргнаа на протестен марш по „Широк Сокак“ со балони во рацете на кои беше испишано името на малата Јана, од плоштадот „Магнолија“ до Офицерскиот дом, каде што балоните беа пратени кон небото, во чест на малото девојче кое прерано го напушти овој свет.
Ова беше најтажната поворка која некогаш поминала низ Битола.




