БЕРЗИТЕ И ДЕНЕС ВО ЗАГУБА
Инфлацијата во САД повторно е на максимум, на Волстрит акциите губат вредност трет ден по ред.
Поради најновите инфлациски случувања, инвеститорите стравуваат дека американската централна банка агресивно ќе ја заостри монетарната политика.
Цените на акциите тред ден по ред паѓаат на Волстрит, бидејќи американската инфлација достигна највисоко ниво во последните 40 години, а инвеститорите стравуваат дека американската централна банка агресивно ќе ја заостри монетарната политика.
Dow Jones падна за 87 поени, или 0,26 отсто, на 34.220 поени, додека S&P 500 се лизна за 0,34 отсто на 4.397 поени, а индексот Nasdaq 0,30 отсто на 13.371 поени.
Инвеститорите се плашат од ФЕД(Федерални резерви на САД)
Во првиот дел од вчерашното тргување, овие индекси беа на позитива, за повеќе од 1 отсто, додека пазарот се обидуваше да ги поврати загубите од претходните денови. Но, во втората половина од тргувањето, тие се паднаа на негативна територија бидејќи инвеститорите стравуваат од поагресивен одговор на ФЕД на инфлацијата од очекуваното.
Вчера беше објавено дека потрошувачките цени во март пораснале за 8,5 отсто во однос на истиот месец лани, што е највисока стапка на инфлација од 1981 година, главно поради поскапувањето на горивата.
- Иако овие податоци се во согласност со очекувањата, „тие не потсетуваат дека ФЕД не може само да седи со скрстени раце, туку мора да преземе акција и тоа итно“, вели Пол Нолт, менаџер на портфолио во Kingsview Asset Management.
Дополнително заострување на монетарната политика
Инвеститорите беа загрижени и од гувернерот на ФЕД, Лаел Брејнард, кој рече дека овие податоци покажуваат дека централната банка треба да реагира побрзо против високата инфлација.
На состанокот во март, ФЕД ги зголеми клучните каматни стапки за 0,25 процентни поени за прв пат од 2018 година и веројатно ќе ги зголеми за дополнителни 0,50 процентни поени веќе во мај.
Записниците од неодамнешниот состанок на ФЕД покажаа дека може да има агресивно зголемување на каматните стапки во наредните месеци и дека е постигнат начелен договор дека билансите на ФЕД, кои пораснаа за неколку илјади милијарди долари во борбата против корона кризата , треба да се намалат за 95 милијарди долари месечно.
Се ова значи дека ФЕД е подготвен за поагресивен напад на инфлацијата од очекуваното, а заострувањето на монетарната политика може значително да го забави растот на најголемата светска економија, па дури, стравуваат инвеститорите, да предизвика рецесија.
Војната во Украина
Инвеститорите исто така се во дефанзива поради војната во Украина, која тврди дека Русија подготвува нова офанзива и покрај мировните преговори.
Оваа недела, инвеститорите ќе се фокусираат и на деловните резултати на американските компании, бидејќи започнува сезоната на квартални извештаи.
Во анкетата на Ројтерс, аналитичарите процениле дека приходите на компаниите од индексот S&P 500 пораснале за околу 6 отсто во првиот квартал во споредба со истиот период минатата година. Тоа би било значително забавување на растот на платите, имајќи предвид дека во претходниот квартал тие се зголемија за повеќе од 30 отсто на годишно ниво.
Цените на акциите вчера паднаа и на европските берзи. Лондонски FTSE индекс се намали за 0,55 отсто, на 7.576 поени, додека франкфуртски DAX се падна за 0,48 отсто, на 14.124 поени, а париски CAC за 0,28 отсто, на 6.537 поени.
