Работилница за зајакнување на капацитетите на независните музички артисти
На 5 мај годинава во 18.00часот во КИЦ – Кино Манаки ќе се одржи работилница за музички „букинг“ ( аранжман за настан во иднина, мак дигитален речник; концерт; разговорно свирка;н.з) на кој своето искуство ќе го сподели Сашо Поповски, а во насока кон зајакнувуање на независната музичка сцена.
„Сашо Поповски е музичар кој сеуште го живее сонот од младоста – на сцена со гитара во раката! Од почетоците со рок групата Фаџ, преку љубовта кон блуз музиката и клубските свирки, до Магистер и Редовен професор на Универзитето Гоце Делчев – Штип (џез оддел) , денес е еден од најреномираните – активни џез гитаристи кој настапил на бројни Европски фестивали. Снимил шест албуми , го основал и успешно го води единствениот џез фестивал во Битола Jazz Factory Festival веќе 6 години.“- информираат од Независна музичка сцена.
Независна музичка сцена е мини проект на фестивалот „Локум фест-музика и традиција“ поддржан од партнерската мрежа на балкански фестивали MOST како дел од поголем проект поддржан од Creative Europa, а во соработка со КИЦ Битола. Тоа е еден од петте регионални мини проекти кои има за главна цел зајакнување на капацитетите на независните музички артисти, нивно мапирање, поддршка и промоција и креирање на подобри локални културни политки за оваа целна група. Во рамките на овој мини проект ќе биде подогната и веб страница за независната музичка сцена на Битола, ќе се оддржат работилници за музички менаџмент и градење културни политики во овој сегмент, ќе следат и работилници за промоција, продукција и настапи во живо.
05/05/23 Кино Манаки – КИЦ Битола 18.00 ч. Влез слободен
