Поставувањето на предлогот за измени во Уставот на пленарна седница ќе покаже дали владеачките партии имаат двотретинско мнозинство за да ги реализираат ветувањата што ги дале по Европа

Насловот е генералниот заклучок за моментната политичка состојба во која се наоѓа власта во Македонија, денеска од Битола искажан и од претседателот на ВМРО-ДПМНЕ Христијан Мицковски. Тој повика веднаш да се стави точката на собраниска седница.

Предлогот за измени во Уставот на РМ во кој ќе бидат споменати и Бугарите, заедно со другите етникуми кои се дел од македонската нација денеска се разгледува на собраниската Комисија за уставни прашања. Ставовите на владеачките партии и опозициската коалиција предводена од ВМРО-ДПМНЕ е јасно спротивставен. Дискусиите на анлитичарите се движат во насока кон очекувано политички некоректно управување со овој процес вклучително негово одолговлекувуање.

Фото: Христијан Мицковски денеска во Битола, сопственост Општина Битола


„Јас ги повикувам, ако денеска заврши Комисијата за уставни прашања, да не чекаме, веднаш да закажат собраниска седница и да видиме дали имаат 80 (пратеника) или немаат. Ако не закажат, ако немаат , јас не гледам друга политика којашто оваа влада би ја оправдала во нејзиното постоење и треба час поскоро да го распуштиме Парламентот и да одиме на предвремени парламентарни избори.“- порачува денеска Мицковски како одговор на прашањето дали постои можност откако предлогот би стигнал на собраниска седница, седницата никогаш да не заврши.
„Имаме и за тоа стратегија иако очекуваме „европејциве“ ( така како што се нарекуваат себеси овие милионериве) да, бидејќи цело време тврдат, година дена наназад дека имале 80 пратеника , веднаш, да не ја развлекуваат седницата , веднаш да ја стават на дневен ред …“ вели Мицковски.

Фото: слика од екран, Првиот устав на Македонија, сопственост на Службен весник од 1947 година

Поставувањето на ова прашање на седница пред пратениците политички подразбира дискусија и гласање, по што, политичката коректност на демократијата налага распуштање на владата, самораспуштање на парламентот, односно нови избори.


Во однос на денешната комисиска расправа, Мицковски анализираше : „Имам некое чувство дека денеска ќе заврши( таа седница). Таму се 17 пратеници, од кои пратеници на ВМРО-ДПМНЕ и Коалицијата се 7 , значи не сме таму мнозинство, а за да точката потоа се најде на дневен ред на пленарна седница потребно е да има мнозинство во оваа комисија, така што очекувам резултатот да биде 10 : 7, седум да бидат „против“ а 10 да бидат „за“.

Објасна: „Вчера имавме координација со пратениците, без ниту еден збор никој да каже во просторијата јасно беше дека зборуваме сите на глас, а тоа е дека уставни измени под бугарски дикатат нема да има. “


1184

Задолжително

Verified by MonsterInsights