Македонската филхармонија и македонската оперска дива Ана Дурловски ќе гостуваат во Софија
Почитувани,
Со задоволство Ве известуваме дека Македонската филхармонија и македонската оперска дива Ана Дурловски ќе гостуваат во Софија на 17 февруари 2025 година, кога заедно со Софиската филхармонија, Солунскиот државен симфониски оркестар и Националниот хор на Софиската филхармонија ќе ја изведат сценската кантата за солисти, хор и оркестар “Кармина Бурана” на композиторот Карл Орф.
Концертот ќе се одржи на 17 февруари ( понеделник ), во Националниот дворец на културата – НДК во Софија, со почеток во 19:00 часот.
Овој спектакуларен културен настан ветува незаборавно музично доживување, со врвни музички уметници и изведувачи од Северна Македонија, Бугарија и Грција.
Се надеваме дека ќе се видиме на концертот!!!