Америка го укинува центот
САД официјално престануваат со производството на едноцентните кованици. Причината е економска: изработка на еден цент чини три пати повеќе – околу 3 центи. Министерството за финансии ја даде последната нарачка овој месец, со што започнува повлекувањето на центите од оптек.
Иако постоечките центови остануваат во употреба, цените при плаќање во готово ќе се заокружуваат на најблиските пет центи. Со укинувањето се очекува заштеда од 56 милиони долари годишно.
Минатата година беа исковани 3,2 милијарди центови, од кои многу остануваат заборавени по домовите. Намалена е и продукцијата на петцентни кованици за 86%. САД со ова се придружува на земји како Канада и Холандија кои веќе ги повлекоа своите најмали апоени.