‘Заншин До’ – Битола блесна со 5 пехари и 47 медали на два меѓународни турнири

Во само десет дена, карате клубот „Заншин До“ од Битола постигна врвен успех на меѓународната сцена, освојувајќи вкупно 5 пехари и 47 медали – 11 златни, 10 сребрени и 26 бронзени – на два големи меѓународни турнири: „Солидарност Опен“ во Скопје и „Охрид Опен“ во Охрид.

На турнирот „Солидарност Опен“, кој собра 580 натпреварувачи од 7 земји (Македонија, Босна и Херцеговина, Бугарија, Грција, Косово, Црна Гора и Србија), битолчани освоија 4 злата, 4 сребра и 19 бронзи. Златните одличја ги донесоа млади таленти како Вероника Кочов, Николај Петковски, Стрефани Кикеска, Алиловска Леона и Елена Јончевска, како и неколку тимови во категориите ката за кадети и јуниори.

На „Охрид Опен“, со учество на 630 натпреварувачи, клубот продолжи со врвни настапи, освојувајќи 7 злата, 6 сребра и 7 бронзи. Особено се истакнаа Алексеј Петковски, Тамара Стојановска, Јана Цветковска, како и женскиот и машкиот тим во ката, кои ја демонстрираа високата подготвеност на сите возрасни категории.

Тренерот Стевка Јанковска Петковска изрази огромна гордост за успесите:

„Горда сум како тренер – Битола конечно е на врвот, меѓу најдобрите клубови во регионот. Летото ќе го искористиме за интензивни подготовки за нови национални и меѓународни предизвици.“

Со постигнатите резултати, „Заншин До“ не само што ја зацврсти својата позиција во македонското карате, туку ја претстави Битола на најдостоинствен начин на меѓународната спортска сцена.


1675

Задолжително

Verified by MonsterInsights