Сопран, виолина и баритон во хармонија: музичка вечер со Камерниот оркестар на Битола

На 12 јуни 2025 година, со почеток во 20:00 часот, во прекрасниот амбиент на Офицерскиот дом во Битола, НУ Камерен Оркестар ќе го одржи својот шести концерт од сезоната под наслов „Концерт со двајца солисти“.

На сцената ќе блеснат сопранот Билјана Талевска и виолинистот Валентин Наумов, а како специјален гостин ќе настапи баритонот Кристијан Антовски, чиј длабок и драматичен израз ќе внесе богата емотивна нијанса на музичката вечер. Програмата ќе понуди репертоар од светски признати композитори – В.А. Моцарт, Џузепе Верди, Џакомо Пучини и Ернест Шосон – во внимателно избрана поставка што ја истакнува виртуозноста на солистите и ансамблот.

Концертот ќе биде под диригентската палка на маестро Владимир Димовски, кој и оваа сезона останува доследен на високите уметнички стандарди на Камерниот оркестар.

Публиката е поканета на вечер исполнета со страст, емоција и врвна музика – концерт кој ветува да остави траен впечаток во културниот живот на Битола.


1115

Задолжително

Verified by MonsterInsights