ФК Пелистер со нова раководна структура – Стефановски поставен за генерален директор

Фудбалскиот клуб Пелистер АД денес одржа собрание на акционери на кое беа прифатени оставките на досегашните членови на бордот – Митко Стојковски, Тони Мицевски, Пеце Цветковски и Златко Деловски. Од клубот упатија јавна благодарност за нивниот професионален ангажман и придонес во развојот на Пелистер.

Како единствен акционер, Општина Битола постави нов борд на директори, доверувајќи ја управувачката структура на лица од самата општинска администрација. За нов генерален извршен директор е назначен Александар Стефановски, вработен во Одделението за јавни дејности и активно ангажиран во областа на спортот при Општина Битола.

„Ми причинува особено задоволство што ми е доверен овој нов почеток за клубот. Наскоро ќе го претставиме новиот тренер, кој ќе има проширени ингеренции и во креирањето на спортската структура на Пелистер. Веруваме во нова етапа на стабилност и развој,“ изјави Стефановски.

Технички директор на клубот останува Сашо Здравевски, додека нов координатор на младинската школа е Марјан Секуловски, искусен фудбалски работник и тренер.


1225

Задолжително

Verified by MonsterInsights