Трамп со царини од 39% ја шокира Швајцарија

Швајцарската берза падна, владата свика итна седница откако американскиот претседател Доналд Трамп воведе шокантни царини од 39% на швајцарскиот увоз.

Во центарот на критиката е претседателката Карин Келер-Сутер, обвинета за слабо раководење на клучен телефонски разговор со Белата куќа пред одлуката, пренесува Гардијан.

Домот на некои од најпрестижните луксузни брендови во светот остана шокиран откако американскиот претседател воведе една од највисоките царини во неговите глобални трговски преговори во петокот. Стотици илјади работни места се сега загрозени, предупредуваат стручните здруженија, пренесува Б92.

Неуспешен повик што сè промени

Швајцарските медиуми објавија дека, по три месеци интензивни преговори, дипломатите веруваа дека постигнаа поволна царина од 10% за извозот кон САД — клучен пазар за производи како луксузни часовници, чоколади, но и машини и фармацевтски производи.

Меѓутоа, сè се промени по 30-минутниот телефонски разговор помеѓу претседателката Келер-Сутер и Трамп во четврток навечер. Разговорот, опишан како „лошо настроен“, „катастрофален“ и „погрешно проценет“, резултираше со тоа што Трамп воведе уште поголеми царини од првично најавените 31%.

Последиците веднаш се почувствуваа на берзата, каде што водечкиот швајцарски берзански индекс падна за 1,8% во понеделник. Берн официјално ги отфрли тврдењата дека контроверзниот повик е единствено одговорен за царината од 39%.

— „Повикот не беше успешен“, потврди извор од владата.

Медиумите ја обвинуваат претседателката за наивност

— „Исходот не беше добар за Швајцарија, но не дојде до караница. Трамп уште на почетокот јасно даде до знаење дека има сосема различен став и дека царина од 10% не е доволна“, објасни извор за Ројтерс.

Меѓутоа, швајцарските медиуми не биле милостиви кон претседателката.

— „Соочена со Трамп, Келер-Сутер беше несомнено премногу наивна“, глави остриот наслов во таблоидот Блик. Додека весникот 24 Eur истакна дека нејзиниот „ремек-дело“ заврши како „најтежок пораз во нејзината политичка кариера“.

Економистите предупредуваат дека толку висока стапка на царина може да ја турне извозно-ориентираната швајцарска економија во рецесија.


1238

Задолжително

Verified by MonsterInsights