Шест месеци по трагедијата во „Пулс“ – „Марш за Ангелите“ во Кочани

Денес, се одбележуваат точно шест месеци од катастрофата во ноќниот клуб „Пулс“ во Кочани, каде што 62 млади луѓе ги загубија своите животи.

Во знак на сеќавање на жртвите, родителите на загинатите организираат „Марш за Ангелите“.

Собирот ќе стартува во 15:35 часот од „Паркот на Револуцијата“ и ќе се движи по претходно утврдена патека – општинска зграда, УЈП, полициска станица, кочанскиот суд и јавното обвинителство, а ќе финишира повторно во „Паркот на Револуцијата“.

Од иницијативата „Кој е следен“ повикаа на мирен собир на плоштадот во Скопје по повод 6 месеци од трагедијата во дискотеката „Пулс“ во Кочани.

Собирот е најавен за во 20 часот и 16 минути.

„Не беше несреќа. Не беше трагедија. Беше масакр. Свирепо убиство од страна на дисфункционалните институции и партискиот картел. Вака веќе не може. Не смееме да отрпнеме. Болката мораме да ја почувствуваме сите заедно. Таа болка треба да не разбесни и поттикне на акција.Најважно е да не престанеме да се бориме за вистината, да не останеме мени пред неправдата, да преземеме одговронсот, секој на свој начин “, велат од „Кој е следен“


1078

Задолжително

Verified by MonsterInsights