Во Општина Могила успешно завршено асфалтирањето на седум улици
Општина Могила успешно го привршува процесот на асфалтирање на седум улици, проект кој локалната самоуправа го оценува како значаен чекор кон подобрување на комуналната инфраструктура и квалитетот на живот на жителите.
Според општинските служби, работите се одвиваат со силно темпо, а на терен се забележуваат видливи и конкретни резултати. Асфалтерските екипи работат континуирано, со што се овозможува брза и ефикасна реализација на зафатите.
Од Општината истакнуваат дека ова е дел од пошироката стратегија за создавање на модерна, уредна и безбедна општина, која ќе обезбеди подобри услови за секојдневно функционирање на жителите.
„Продолжуваме посветено и одговорно“, порачуваат од локалната самоуправа, додавајќи дека инфраструктурните активности ќе продолжат и во наредниот период, со фокус на уште поголемо унапредување на локалните патишта и јавни површини.