TOP Agency зад мрежа за плагијат: National Today објавувал стотици AI текстови дневно

Познатата американска PR компанија TOP Agency се најде во центарот на сериозен медиумски скандал откако истрага откри дека стои зад сајтот National Today, кој масовно објавувал плагијатирани новинарски содржини генерирани со вештачка интелигенција.

Според наодите, платформата дневно продуцирала стотици текстови преземени од реномирани медиуми како The New York Times, The Guardian и Vanity Fair, без никаква атрибуција. Дополнително, содржините биле исполнети со сериозни фактички и контекстуални грешки – од измислени имиња до лажно припишани цитати, што укажува на неконтролирана и неетичка употреба на AI алатки во продукцијата на „вести“.

Посебно проблематичен е фактот што меѓу преземените текстови има и чувствителни човечки приказни, што отвора прашања за професионалната етика и заштитата на новинарскиот труд. Реакциите од погодените новинари се остри, потенцирајќи дека не станува збор само за кражба на содржина, туку и за злоупотреба на довербата на изворите.

По објавувањето на случајот, Google го отстрани National Today од резултатите од пребарување, повикувајќи се на прекршување на правилата за манипулативно генерирана содржина. И покрај сериозноста на обвинувањата, ниту TOP Agency ниту National Today не дадоа официјален одговор.

Случајот отвора поширока дебата за границите на употреба на вештачката интелигенција во медиумите и потребата од поцврсти механизми за заштита од дигитален плагијат.


1180

Задолжително

Verified by MonsterInsights