Регулаторната комисија донесе одлука за намалување на цените на горивата

Регулаторната комисија донесе нова одлука со која се врши намалување на малопродажните цени на нафтените деривати во просек од 3,84% во споредба со претходната одлука од 26.5.2026 година.

Со новата корекција најголемо намалување бележат дизелот ЕУРОДИЗЕЛ (Д-Е V) и екстра лесното масло за домаќинство (ЕЛ-1), чија цена се намалува за 6,50 денари по литар. Истовремено, кај бензините ЕУРОСУПЕР БС-95 и ЕУРОСУПЕР БС-98 е забележано минимално зголемување од 0,50 денари, додека мазутот поевтинува за 3,238 денари.

Од полноќ, новите максимални малопродажни цени изнесуваат 88 денари за ЕУРОСУПЕР БС-95, 90 денари за ЕУРОСУПЕР БС-98, 85,50 денари за ЕУРОДИЗЕЛ БС, 87,50 денари за екстра лесно масло за домаќинство и 47,906 денари за мазут.

Во пресметката се вклучени и измените на акцизите, кои се намалени за 2 денари, што дополнително влијае врз конечната цена.

Падот на цените е резултат на намалување на референтните вредности на светските пазари, каде што се забележува опаѓање кај сите деривати: бензините за 10,867%, дизелот за 10,622%, екстра лесното масло за 10,136% и мазутот за 8,238%.


1149

Задолжително

Verified by MonsterInsights