Прилеп доби нов Центар за услуги – една промена што ќе им заштеди време на илјадници граѓани

Во Прилеп денеска беше отворен нов Центар за услуги, проект реализиран преку соработка меѓу Министерството за дигитална трансформација и Општина Прилеп, со цел административните и електронските услуги да им бидат подостапни на граѓаните.

Министерот за дигитална трансформација, Стефан Андоновски, заедно со градоначалникот на Општина Прилеп, Дејан Проданоски, го посетија новоотворениот Центар, при што беше истакнато дека со неговото отворање е исполнето ветувањето дадено при претходната посета на Прилеп.

Во новиот Центар, жителите на Прилеп и околните населени места ќе можат на едно место да добијат информации, стручна поддршка и помош при користењето на електронските услуги што се достапни преку Националниот портал за услуги.

Според Андоновски, целта е граѓаните да не губат време обиколувајќи повеќе институции, туку потребните услуги да ги добиваат побрзо, полесно и поблиску до местото каде што живеат.

Од Министерството за дигитална трансформација најавуваат дека отворањето на вакви центри ќе продолжи и во останатите градови низ државата, како дел од процесот на дигитализација и модернизација на јавната администрација. Со тоа, електронските и административните услуги треба да станат подостапни и поефикасни за граѓаните и за компаниите.

Надлежните оценуваат дека новиот Центар во Прилеп претставува уште еден чекор кон создавање поедноставен и поефикасен систем за обезбедување јавни услуги.


1182

Задолжително

Verified by MonsterInsights