Археолозите протестираа, Собранието го повлече предлогот за измени во Законот за заштита на културното наследство, засега без дискусија колку досега се почитува

„Денешниов јавен собир на Македонското археолошко друштво е апел до пратениците во Собранието на РС Македонија, до Владата, и целокупната јавност, да ја разбудат својата свест и совест и да спречат усвојување на измени во Законот за заштита на културното наследство со кои бескрупулозно и свесно се уништува културно наследство со катастрофални последици, во име на „поголем јавен интерес‟, зад кој всушност се крие профитерска зделка од огромни размери“ -стои во пишаниот став и апел на македонскит археолози. За нив предлогот е дрзок и нетранспарентен начин за озаконување на неповратно уништување на култуно наследство под закрила на државата.

Фото: слика од екран, Google македонски археолошки наоѓалишта

„Господа пратеници, отворете ја Археолошката карта и ќе видите дека во регионот каде се предвидени инфраструктурните зафати за Коридорите 8 и 10д веќе постојат регистрирани археолошки локалитети, кои не се случајно откритие. Што со нив? И со нив ли ќе постапува надзорен инжењер? Па, Законот за заштита има предвидени одредби за постапување со културното наследство при изведување на инфраструктурни проекти, кои важат за сите, а треба да важат и за овој проект. Дали сте свесни дека делницата Требеништа – Струга – Ќафасан е дел од светското природно и културно наследство на Охридскиот Регион, под заштита на Унеско? Дали сте свесни колку закони и меѓународни конвенции кои се ратификувани во оваа држава ќе прекршите со дигањето рака „за‟ овие измени? Господа пратеници, свесно уништување и прикривање на културно наследство е кривнично дело, без преседан кога во тоа е вклучено највисокото тело на државата која всушност треба да се грижи за истото.

Фото: од денешниот протест на археолозите


Претседателот на собранието Талат Џафери денеска на почетокот на седницата на која се утврдуваше потребата за изградба на Коридор 8 и Коридор 10 а , информираше дека предлагачите на измените го повлекле својот предлог, па пратениците денеска не гласаа за овој предлог.

Фото: оштетеното археолошко наоѓалиште Влахо


Предложените измени не може да се гледаат надвор од последните случувања во Пелагонија , археолошкото наоѓалиште Влахо, Забрдо, кога во интерес на истражување за ископ на јаглен, концесионерот направи оштетувања на археолошкиот локалитет Влахо. За потсетување, и покрај предупредувањата од битолскиот Завод и Музеј, концесинерот продолжи да ископува во локалитетот, се додека не се вклучи јавноста и надлежните институции и органите на прогон беа приморани да поднесат барање за судска забрана. Слично искуство Пелагонија има и со обид за градба на верски објект во селото Лажец ( 2005 година). Реконструкцијата на џамијата во селото Меџитлија во 2017 година врз археолошката тумба не доби силен медиумски одзив, но тогаш надлежните од Завод и Музеј тврдеа дека конзервираниот археолошки наод е целосен.

Фото насловна : машини врз археолошкиот локалитет Влахо,

Центар за истражување предисторија


1077

Задолжително

Verified by MonsterInsights