Могилските училишта подготвени за ученици
Во пресрет на новата учебна година градоначалникот на Могила Драганчо Саботковски направи увид во активностите кои изминатиов период се превземаа за подобрување на условите во воспитно-образовниот процес во основното училиште ,,Кочо Рацин”- Ивањевци.

За само една година комплетно е променет надворешниот и внатрешниот изглед, училиштните дворови се чисти, тампонирани и уредени со зеленило. Заменети се сите дотраени столчиња со нови столчиња и нови клупи за учениците.







Комплетно се санирани фасадите на училиштата во Ивањевци и Долно Српци и поставен е седум метарски јарбол со македонско знаме во централното училиште.
Заменети се старите искршени и прегорени рефлектори со нови LED рефлектори, исто така заменети се 170 прегорени неонки со нови кои обезбедуваат нормална светлина за учениците и вработените.
Старите и дотраени табли се заменети во сите училишта, исфарбани и обележани се и спортските терени.



Санирани и исфарбани се подовите и ѕидовите во училиштето во Лознани и Св.Тодори.
Во тек се и активности и во подрачното училиште во Трновци за санација и поставување на плочки во училишниот ходник.



„Секогаш ги поддржуваме нашите училишта во активностите кои ги превземаат со цел подобрување на условите во воспитно-образовниот процес.“- вели Саботковски.