Дивље Јагоде и Нокаут на голем музички спектакл во Битола – S.O.S. Festival 2025
На 29 август, на ракометното игралиште во Битола ќе се одржи S.O.S. Festival 2025, настан кој ветува незаборавна вечер исполнета со врвна музика и уникатна фестивалска атмосфера.
Програмата започнува во 20 часот со диџеј сет познат по своите енергични настапи и препознатлив стил.
Во 21 часот на сцената ќе се појави еден од најпопуларните македонски рок-бендови – Нокаут. Со повеќедецениска кариера и голем број хитови како „Ја сакам оваа земја“ и „Во твоите очи“, бендот и понатаму важи за симбол на македонската рок сцена.
Кулминацијата на фестивалот е закажана за 23 часот, кога ќе настапи легендарниот бенд Divlje Jagode. Овој регионален хард рок и хеви метал состав, активен уште од 70-тите години, зад себе има бројни албуми и песни кои се вбројуваат меѓу класиките на југословенската рок сцена, меѓу кои „Motori“, „Kap po kap“, „Autostop“ и други.
Организаторите најавуваат вечер исполнета со силна енергија, добра музика и автентичен фестивалски дух.
Билетите за фестивалот се достапни преку mktickets.mk или на телефонскиот број 070 33 99 30.