Јавните чешми повторно во функција

Сите јавни чешми на територијата на општината се целосно обновени и повторно ставени во функција, информираат надлежните служби. Со оваа активност се обезбедува подобар пристап до чиста вода за граѓаните, особено во пресрет на потоплите денови кога потребата од освежување и хидратација е зголемена.

Од општината посочуваат дека обновата опфатила санација на оштетените делови, подобрување на водоводната инсталација, како и уредување на просторот околу чешмите, со цел да се обезбеди поголема функционалност и хигиена.

Воедно, упатен е апел до граѓаните да ги користат јавните чешми совесно и одговорно, да не се оштетуваат и да се одржува нивната чистота. Надлежните нагласуваат дека зачувувањето на водните ресурси е заедничка одговорност и клучен предуслов за одржлив развој.

„Секоја капка вода е важна“ – порачуваат од општината, потенцирајќи дека рационалното користење на водата и грижата за јавната инфраструктура се во интерес на сите граѓани.


1183

Задолжително

Verified by MonsterInsights