Николоски со порака: Без криминал, државата има финансиска сила

Вицепремиерот и министер за транспорт, Александар Николоски, во гостување во поткастот на „Курир“ изјави дека државниот буџет се наоѓа во „одлична кондиција“ и дека постои финансиски простор за нови инвестиции, доколку се обезбеди транспарентно и ненадлежно трошење на средствата.

Одговарајќи на прашања за состојбата на јавните финансии, Николоски нагласи дека, според него, клучен фактор за стабилноста е отсуството на корупција и криминал во институциите.

„Ако не се краде, има пари. Кога процесите се чесни и транспарентни, меѓународните кредитори и инвеститори се подготвени да вложуваат“, истакна тој.

Тој додаде дека Владата се соочува со предизвици поврзани со глобалните економски услови и геополитичките кризи, вклучувајќи ги војните во Украина и на Блискиот Исток, но дека и покрај тоа, буџетската состојба останува стабилна.

Според Николоски, значаен дел од управувањето со јавните финансии е координацијата меѓу премиерот и Министерството за финансии, кои, како што рече, придонесуваат за одржување на тековната фискална состојба и овозможуваат реализација на инфраструктурни проекти.


1122

Задолжително

Verified by MonsterInsights