Привремен прекин на водоснабдувањето на ул. „Васко Карангелевски“ поради санација на дефект
Поради изведување на неопходни активности за санација на дефект на водоводната линија и враќање на теренот во првобитна состојба, денеска ќе има привремен прекин на водоснабдувањето на неколку објекти и дел од уличната мрежа во градот.
Како што информираат надлежните служби, дефектот е лоциран на ул. „Васко Карангелевски“, каде екипите веќе се на терен и работат на негово отстранување, како и на целосна санација на настанатата штета.
Без водоснабдување ќе останат корисниците од зградите „Ремо“, „64“, „85“, „Веро“, како и дел од корисниците на ул. „Игњат Атанасовски“, поточно од број 19 до број 25.
Прекинот на водоснабдувањето ќе започне во 13:30 часот и ќе трае сè до целосно завршување на работите на терен, односно до нормализирање на состојбата.
Од надлежните апелираат граѓаните за трпение и разбирање, нагласувајќи дека активностите се изведуваат со цел што побрзо воспоставување на редовно и стабилно водоснабдување во погодениот реон.
По завршување на интервенцијата, водоснабдувањето постепено ќе биде нормализирано.