Здружението „Сумнал“ со бесплатна програма за ран детски развој за деца од 2 до 6 години

Здружението за развој на ромската заедница „Сумнал“ во Скопје и Битола започнува нова бесплатна програма наменета за деца на возраст од 2 до 6 години и нивните родители.

Програмата ќе се реализира еднаш неделно и ќе биде спроведувана од стручен и обучен тим преку едукативни, креативни и интерактивни работилници. Целта на активностите е да се поттикне раниот детски развој, како и да се зајакне улогата на родителите во процесот на учење и воспитување.

Учеството во програмата е целосно бесплатно.

За пријавување, заинтересираните родители/старатели треба да испратат порака со следните податоци:

  • Име и презиме на детето
  • Датум и место на раѓање на детето
  • Име и презиме на родител/старател
  • Телефонски број
  • Адреса на живеење

Пријавувањето се врши преку порака на Facebook страницата:
Sumnal – Association for Roma Community Development in North Macedonia

Рокот за пријавување е 10 јули.

За дополнителни информации, заинтересираните можат да се јават на телефонскиот број 070 699 743.

Целта на програмата е да им се овозможи на најмалите среќно детство, квалитетен развој и први чекори кон успешно учење, заедно со нивните родители.


1158

Задолжително

Verified by MonsterInsights